Aðlögun nemenda í Kóraskóla

Þar sem nemendur útskrifast nú úr Hörðuvallaskóla við lok 7. bekkjar þá fer fram aðlögun að Kóraskóla í 7. bekk.

Námsráðgjafi í Kóraskóla heldur utan um aðlögun nemenda ásamt stjórnendum beggja skóla:

• Á baráttudegi gegn einelti, 8. nóvember, hittast nemendur í 9. bekk í Kóraskóla og 7. bekk í Hörðuvallaskóla og vinna saman verkefni, spila eða njóta samveru sem er skipulögð af umsjónarkennurum.
• Kennarar í 7. bekk Hörðuvallaskóla og 9. bekk Kóraskóla ákveða í kjölfarið í sameiningu annan dag fyrir nemendur til að hittast og gera eitthvað uppbyggilegt saman.
• 7. bekkur fer einnig í heimsókn í Kóraskóla í maí og fær þá kynningu á skólanum frá námsráðgjafa, kennurum og stjórnendum Kóraskóla.
• Á vordögum taka nemendur í 7. bekk þátt í íþróttamóti með Kóraskóla.
• Þegar nemendur hefja skólavist í Kóraskóla næsta haust eiga þeir öryggi í vinabekknum sínum sem verður þá 10. bekkur ásamt því að hafa hitt kennara og aðra starfsmenn skólans og heimsótt skólahúsnæðið nokkrum sinnum.

Þessi síða var uppfærð í október 2024