Skólaráð Hörðuvallaskóla

Skólaráð

Við grunnskóla skal starfa skólaráð sem er samráðsvettvangur skólastjóra og skólasamfélags um skólahald. Skólastjóri hefur forgöngu um stofnun skólaráðs. Hann situr í skólaráði og stýrir starfi þess. Auk skólastjóra sitja í skólaráði tveir fulltrúar foreldra, tveir fulltrúar kennara, einn fulltrúi annars starfsfólks skólans, tveir fulltrúar nemenda og einn fulltrúi grenndarsamfélags eða viðbótarfulltrúi úr hópi foreldra valinn af öðrum fulltrúum skólaráðs. Staðgengill skólastjóra stýrir skólaráði í forföllum skólastjóra. Skólaráð tekur þátt í stefnumörkun fyrir skólann og mótun sérkenna hans í samræmi við stefnu sveitarfélags um skólahald.

Skólaráð

• fjallar um skólanámskrá, rekstraráætlun, starfsáætlun og aðrar áætlanir um skólastarfið,
• fjallar um fyrirhugaðar meiriháttar breytingar á skólahaldi og starfsemi skóla og gefur umsögn áður en endanlegar ákvarðanir um þær eru teknar,
• tekur þátt í að móta stefnu og sérkenni skóla og tengsl hans við grenndarsamfélagið,
• fylgist með öryggi, húsnæði, aðstöðu, aðbúnaði og almennri velferð nemenda,
• fjallar um skólareglur og umgengnishætti í skólanum,
• fjallar um erindi frá skólanefnd sveitarfélags, foreldrafélagi, kennarafundi, almennum starfsmannafundi, nemendafélagi, einstaklingum, menntamálaráðuneyti, öðrum aðilum varðandi málefni sem talin eru upp í þessari málsgrein og veitir umsögn sé þess óskað,
• tekur þátt í öðrum verkefnum á vegum skólanefndar að fengnu samþykki sveitarstjórnar.
• skólaráð fjallar ekki um málefni einstakra nemenda, foreldra eða starfsfólks skóla.

Skólaráð 2024-2025

• Skólastjóri: Sigrún Ólöf Ingólfsdóttir
• Aðstoðarskólastjóri: Íris Björk Eysteinsdóttir, ritari
• Fulltrúar foreldra: Svava H. Friðgeirsdóttir og Halla Karí Hjaltested
• Fulltrúi grenndarsamfélags: Arnór Ásgeirsson
• Fulltrúar kennara: Hugrún Brynhildur Haraldsdóttir og Sigríður Th. Egilsdóttir. 
  • Varamenn: Bergþóra Guðmundsdóttir og Jóhanna Gísladóttir 
• Fulltrúi starfsfólks: Auður Svavarsdóttir. 
  • Varamaður: Eyjólfur Kristopher Kolbeins  
• Tveir fulltrúar nemenda

Fundargerðir skólaráðs

2024-2025

• Fundargerðir skólaárið 2024-2025

Þessi síða var uppfærð síðast þann 30.09.2024