Fréttir
Hvað þarf að hafa í huga í fjarnámi
19.03.2020
Við settum fram myndræna hugmynd að skipulagi fyrir nemendur í fjarnámi. En nemendur á mið- og ungingastigi eru að hluta til í fjarnámi þessa dagana vegna samkomubanns. Kennarar styðja nemendur og foreldrar styða þá líka en nemendur sjálfir bera meiri ábyrgð en áður, því þó kennarar haldi þeim við efnið í gegnum netið og foreldrar heima er það ólíkt því að mæta fullan skóladag. Meginmarkmið okkar er að stuðla að því að nemendur haldist virkir í námi sínu og haldi tengslum við kennara þrátt fyrir fjarveru frá skóla. Nemendur og kennarar eru vel undirbúin vegna nokkurra ára hefðar í notkun tækninnar hjá okkur.
Lesa meira
Munið eftir nestinu!
11.03.2020
Enn er eldhúsið lokað vegna verkfalls og minnum við því á nestið fyrir allan skóladaginn.
Lesa meira
Íslandsmót barnaskólasveita í skák
24.02.2020
Íslandsmót barnaskólasveita 1.-3. bekk, fór fram í íþróttahúsinu Smáranum föstudaginn, 21. febrúar.
Hörðuvallaskóli sendi 20 börn úr 3. bekk sem skipuðu 5 sveitir. Fjórir nemendur kepptu í hverju liði. Allir okkar nemendur stóðu sig frábærlega vel undir stjórn skákkennara síns, Gunnars Finnsonar. C sveit Hörðuvallaskóla lenti í fyrsta sæti og fékk bikar. í C sveitinni voru Áróra Rós Gissurardóttir, Arney Embla Hreinsdóttir, Benedikta Friðsemd Ingadóttir og Diljá Hjartardóttir.
Við óskum stelpunum og þátttakendum öllum til hamingju með glæsilegan árangur!
Lesa meira
Undanúrslit stóru upplestrarkeppninnar
21.02.2020
Undanúrslit stóru upplestrarkeppninnar fór fram í dag föstudaginn 21. febrúar.
Ljóst var að nemendur voru mjög vel undirbúin og gaman að fylgjast með vönduðum upplestrum.
Niðurstöðurnar urðu þær að aðalmenn í úrslitum verða Elísabet Sunna Scheving og Snorri Sveinn Lund úr 7.G. Varamenn þeirra verða Tinna Marín Sigurþórsdóttir úr 7.J og Eyþór Wheeley Guðjónsson úr 7.G.
Við óskum sigurvegurum til hamingju og hlökkum til að fylgjast með þeim í úrslitunum þar sem við erum viss um að þau verði skólanum til mikils sóma
Lesa meira
Skólahald fellur niður föstudaginn 14. febrúar
13.02.2020
Ríkislögreglustjóri hefur lýst yfir óvissustigi almannavarna fyrir allt landið vegna aftakaveðurs á morgun, föstudag 14. febrúar. Rauð veðurviðvörun hefur verið gefin út fyrir höfuðborgarsvæðið frá kl. 7 í fyrramálið sem þýðir að fólk á ekki að vera á ferðinni nema brýna nauðsyn beri til.
Reglulegt skólahald fellur niður en leikskólar og grunnskólar verða engu að síður opnir með lágmarksmönnun fyrir fólk sem þarf nauðsynlega á vistun fyrir börn sín að halda – það er fólk sem sinnir neyðarþjónustu, löggæslu, slökkvistörfum og björgunarsveitarútköllum.
Veðrið gengur niður eftir kl. 15.00 samkvæmt spá sem þýðir að ýmis þjónusta raskast eða fellur niður í fyrramálið og jafnvel allan daginn.
Bæjarskrifstofur Kópavogs eru lokaðar en símsvörun sinnt.
Sundlaugar á höfuðborgarsvæðinu verða lokaðar en opna kl. 15.00.
Söfn verða lokuð á morgun.
Ferðaþjónusta fatlaðra fellur niður fram að hádegi og truflun gæti orðið á annarri þjónustu velferðarsviðs, s.s. heimaþjónustu.
Fólk er hvatt til þess að halda sig heima í fyrramálið og fylgjast vel með tilkynningum frá almannavörnum í fjölmiðlum.
Samkvæmt spám á veður að ganga niður eftir hádegi og verður hægt að vera á ferðinni eftir kl. 15.00.
Staðan verður endurmetin í fyrramálið.
Frekari upplýsingar um veðurviðvaranir á síðu Veðurstofunnar.
https://www.vedur.is/vidvaranir/svaedi/rvk
Lesa meira