Fréttir

Foreldrafélagið, í samstarfi við bekkjarfulltrúa, stendur fyrir aðventustund fimmtudaginn 7. desember kl. 17:30 Þetta árið ætlum við að breyta aðeins til og sleppa göngunni en að hittast í skólanum í Baugakór og fá okkur kakó og piparkökur hlusta á tóna frá Skólahljómsveit Kópavogs og einnig munu börn frá Tónsölum leika nokkur lög. Við hvetjum alla til þess að mæta með góða skapið og jólahúfu. Hlökkum til að sjá sem flesta í hátíðar- og friðarskapi. Við hvetjum alla til að koma gangandi, því takmarkað er af bílastæðum. Kær kveðja Stjórn foreldrafélags Hörðuvallaskóla

Að venju býður Samgöngustofa upp á jóladagatal á vefnum í desembermánuði. Alla daga fram að jólum verður hægt að opna glugga á dagatalinu og lesa jólaframhaldssögu. Dagatalið er ætlað grunnskólanemum með það að markmiði að rifja upp mikilvægar umferðarreglur. Allir grunnskólanemar geta sent inn svör við spurningum úr sögunni og komast þar með í verðlaunapott. Daglega eru tveir verðlaunahafar dregnir út sem fá senda nýju Jólasyrpuna 2017 frá Eddu útgáfu og í janúar verður svo einn heppinn bekkur dreginn út sem hlýtur pítsuveislu og DVD mynd. http://www.umferd.is/joladagatal-2017/

Dagskrá Kúlunnar í desember - smellið á fyrirsögnina..

Að venju er ýmislegt árstíðabundið um að vera í skólastarfinu í desember og eru þar ýmsar venjur í heiðri hafðar. Má þar nefna að boðið er upp á kakó og piparkökur, rithöfundar koma í heimsókn og lesa fyrir nemendur, forritunarvikan Hour of code er fastur liður í desember, boðið er upp á upplestur á bókasafninu o.fl. Og svo eru litlu jólin náttúrulega rúsínan í pylsuendanum. Smellið á fyrirsögnina til að sjá yfirlit yfir viðburði desembermánaðar...

Jólin 2016 var í fyrsta skipti boðið upp á jólaopnun í dægradvölum Kópavogs. Reynslan var sú að dagarnir fram að jólum voru ágætlega nýttir en dagarnir milli jóla og nýárs voru afar illa nýttir og mættu aðeins örfá börn í hverja dægradvöl. Til að bregðast við þessu var ákveðið að breyta fyrirkomulagi þjónustunnar. Í ár verður boðið upp á opnun 21. og 22. desember í hverri dægradvöl fyrir sig. Dagana milli jóla og nýárs og 2. janúar 2018 verður hins vegar opið fyrir öll börn í tveimur dægradvölum í Kópavogi; í Álfhóli, Álfhólsskóla fyrir nemendur úr neðri byggðum (Álfhólsskóla, Kársnesskóla, Kópavogsskóla, Smáraskóla og Snælandsskóla) og í Hörðuheimum, Hörðuvallaskóla fyrir nemendur í efri byggðum (Lindaskóla, Salaskóla, Hörðuvallaskóla og Vatnsendaskóla). Sett verður upp sérstök dagskrá fyrir starfið þessa opnunardaga sem verður sniðin að þeim hópi sem þiggja mun þjónustuna á hvorum stað fyrir sig. Dagskráin verður send til foreldra bráðlega. Þess verður jafnframt gætt að starfsmaður frá hverri dægradvöl verði starfandi í jólaopnun svo öll börn hafi starfsmann frá sinni dægradvöl. Opið verður frá 8:00 - 16:00 á eftirtöldum dögum: Fimmtudagur 21. des í dægradvöl skólans Föstudagur 22. des í dægradvöl skólans Miðvikudagur 27. des í Álfhól og Hörðuheimum Fimmtudagur 28. des í Álfhól og Hörðuheimum Föstudagur 29. des. í Álfhól og Hörðuheimum Þriðjudagur 2. jan. í Álfhól og Hörðuheimum Þessa daga þarf að skrá sérstaklega í íbúagátt Kópavogsbæjar og verður innheimt sérstaklega eitt fast gjald fyrir hvern valinn dag, óháð dvalarstundafjölda. Gjald fyrir hvern dvalardag er 1.925 kr. og verður rukkað samkvæmt skráningu. Börnin þurfa að koma með nesti fyrir morgunhressingu, hádegismat og síðdegishressingu þessa daga. Athugið að þátttaka í hvora jólaopnun fyrir sig miðast við 15 börn að lágmarki hvern dag. Náist ekki sá fjöldi sjáum við okkur því miður knúin til að hætta við opnun. Ef til þess kemur verður það tilkynnt þegar skráning liggur fyrir. Skráning fer fram hér: https://ibuagatt.kopavogur.is/login.aspx?ReturnUrl=%2f Skráningu lýkur föstudaginn 1. desember 2017 Kær kveðja, Birta og Sunna Forstöðukonur Hörðuheima

Nú er fréttabréf / matseðill nóvembermánaðar kominn á vefinn.. Smellið á fyrirsögnina..

Dagana 26.-27. október er vetrarfrí í grunnskólum Kópavogs og dægradvalir eru einnig lokaðar þessa daga. Við vonum að fríið nýtist fjölskyldum til samveru og minnum einnig á að í menningarhúsum Kópavogs er ýmislegt á boðstólum í vetrarfríinu.. sjá nánar hér: http://www.bokasafnkopavogs.is/haustfri-i-grunnskolum-kopavogs/